Кэбээйи делегацията Хаҥалас түмэлигэр сылдьан бардылар.
Кулун тутар 28 күнүгэр ыраах Кэбээйи улууһун алта нэһилиэгиттэн Тимофей Сметанин – олоҕун, айар суолунан ирдиир-көрдүүр литературнай экспедиция Хаҥаластааҕы кыраайы үөрэтэр түмэлгэ кэлэн сылдьан, ыалдьыттаан бардылар. Алта нэһилиэк оскуолатын үөрэнээччилэрэ уонна учууталлара Тимофей Сметанин 100 сааһын үбүлүөйүн көрсө, киниэхэ аналлаах олоҕун, үлэтин үөрэтэн бардылар. Кини туһунан элбэҕи кэпсээтилэр. Кэбээйи оскуолатын оҕолоро бэйэлэрин биир дойдулаахтарын Т. Сметанин туһунан чинчийиилэрэ олус үөрдэр. Хас биирдии үөрэнээччи Т. Сметанин туһунан олус элбэҕи билэллэрэ сөхтөрдө.
Павел Николаевич Харитонов ыалдьыттарга экскурсия уонна Т. Сметанин Хаҥалас улууһугар олоро сылдьыбыт олоҕун-дьаһаҕын, үлэтин туһунан кэпсээтэ. Кэбээйи улууһун делегацията ырыаларын тойуктарын иһитиннэрдилэр, элбэх сонун материаллары, кинигэлэри түмэл фондатыгар бэлэхтээн бардылар.