Быйыл сэтинньи 25 күнүгэр биллиилээх суруйааччы, биһиги, хаҥаластар, күтүөппүт Тимофей Егорович Сметанин 105 сыллаах юбилейын бэлиэтиибит.

Тимофей Сметанин Хаҥаласка олорбут, үлэлээбит сыллара умнуллубаттар. Ол курдук алтыспыт дьоннорун суруйааччы туһунан истин иһирэх ахтыылара, улуус, хаһыат историятын кэпсиир кинигэлэргэ ыстатыйалар, олоро сылдьыбытын туоһулуур суруктаах суруйааччы дьиэтэ, редакцияҕа үлэлээбит сиригэр сэрии кыттыылаахтарыгар мемориальнай плитаҕа кини аата көмүс буукубаларынан суруллубута хаҥаластар улуу суруйааччыны умнубаттарын, кинилэри кытта ситимин үйэтиппиттэрэ буолар.

Манна бу ытык сиргэ Тимофей Сметанин көмүс уҥуоҕа көмүллэ сытар.