Бүтүн Арассыыйа үрдүнэн 2019 сыл «Тыйаатыр сылынан» биллэриллибитэ. Ол чэрчитинэн бүгүн тохсунньу 30 күнүгэр, Лидия Яковлевна Гермогенова аатынан Күөрдэмнээҕи норуот тыйаатырын артыыстара уонна тыйаатыр режиссёра Олеся Александрова, Г.В. Ксенофонтов аатынан Хаҥалас улууһун музейын дьиэтигэр Бокуруопскайга — тыйаатыр искусствотын биһирэччилэрин кытта көрүстүлэр.
Ол курдук тыйаатыр артыыстара тэттик сценканнан көрсүһүүтүн саҕалаата. «Икки сирэй» диэн сценканы олус итэ5ҕэтиилээхтик оонньоотулар, Симон Федотов «Мин тыйаатырым» диэн хоһоонун ааҕан иһитиннэрдилэр. Көрөөччүлэр дохсун ытыс тыаһынан көрүстүлэр. Ол кэннэ тыйаатыр салайааччыта хас биирдии артыыһын ааттаан-суоллаан билиһиннэрдэ.
Тыйаатыр тэриллиитин туһунан сэһэргээтилэр, кэккэ ситиһиилэрин үллэһиннилэр, инникки былааннарын, артыыстар ахтыыларын кэпсээтилэр.
Бүгүҥҥү күн өссө биир дьикти, истиҥ иһирэх, долгутуулаах, ураты улахан суолталаах түгэнинэн буолла, Аан дойдуга аатыра сураҕырбыт «Тойон кыыл» киинэ сүрүн геройун, Күөрдэм тыйаатырын артыыьһа, Саха Республикатын үтүөлээх артыыһа Петров Степан Дмитриевич кэпсээнэ, сэһэргэһиитэ буолла.
Биэчэр түмүктэниитин Тыйаатыр артыыстара ылбаҕай ырыаннан ситэрэн биэрдилэр элбэх үтүө, эҕэрдэ тыллар этилиннилэр.
Күөрдэм норуот тыйаатырын быыһа өрүү аһаҕас буоллун, көрөөччу ытыһын тыаһа уҕараабатын.