Ахсынньы 10 күнүгэрСаха АССР төрүттэммитэ 100 сылыгар, Хаҥалас улууһун историятын бэлиэ сылыгар, 2 — с Дьөппөн нэһилиэгэ төрүттэммитэ 255 сылыгар Р.К.Захаров аатынан Күөрдэмнээҕи «Самыртай» музей — комплекс тэрээһин ыытта.
- 12/12/2022
- 29
- нет
«Экспонатта бэлэхтээ» акцияҕа 2021 — 2022 с.бэлэх ууммут малларын быыстапкатын көрүү.
Акция кыттыылаахтарын эҕэрдэлээһин, махтал суруктары туттарыы.
2022 сыллаахха музей фондата хаҥаата 1000 нүөмэрдээх экспонат баар буолла. Экспонаты өр сылларга харыстаан уура сылдьыбыт Лебедева Антонина Семеновна бэлэхтээтэ. Хос эһэтэ баай
Уйбаан Павлов дьиэ кэргэнэ туттубут маанылаах маллара чайнай сервиз үрүҥ чаанньык, саахарынньысса, биир чааскы.
Ол кэннэ «Дьыл эргиирэ — Күөрдэм сайдыыта» эркиҥҥэ ыйанар кыбытыктаан аттаран тигиллибит нэһилиэк сайдыытын панно сүрэхтэниитэ (Л.Г. Кайдалова, М.И.Захарова оҥорбут үлэлэрэ). Бу паннону билиһиннэрэн кэпсииргэ истиҥ кэпсэтии, ахтыы буолла. Урукку сопхуос, сельпо уо.д.а тэрилтэлэр үлэлэрин, дьонун туһунан санаатыбыт. Панно музейбытыгар оҕолорго нэһилиэк историятын, сайдыытын кэпсииргэ төһүү күүс буолуо диэн эрэнэбит.
Музей ыытар үлэтигэр көхтөөхтүк кыттар күндү дьоммутугар барҕа махталбытын этэбит.