Бэс ыйын 15 күнүгэр Орто Дойду туонатыгар Г. В. Ксенофонтов аатынан Хаҥаластааҕы кыраайы үөрэтэр түмэл тэрийиитинэн, Дьиэ-кэргэн уонна Оҕо саас сылыгар анаммыт Хаҥалас улууһун дьиэ кэргэн сэдэх малларын «Түмэл түһүлгэтэ» быыстапка-куонкурус буолан ааста.

 Хас биирдии ыал бэйэтэ устуоруйалаах, ону кытта көлүөнэттэн көлүөнэҕэ бэриллэн иһэр ураты малы-салы илдьэ сылдьар. Бу быыстапка-куонкурус үүнэр көлүөнэни, төрөөбүт норуотун материальнай культурнай нэһилиэстибэтигэр сыһыарар сыаллаах, сэдэх былыргы маллар историяларын үөрэтэр соруктаах.

Тэрээһиммит үөрүүлээх арыллыытыгар кыттыыны ыллылар «Кыл-Кынат» бөлөх уонна Хаҥалас холбоһуктаах кыл төрүт толорооччулара. Салайааччы –  С. А. Зверев аатынан национальнай оркестр театрын солиһа, «Килбиэн» этно-ансаамбыл салаайааччыта, СӨ ыччат политикатын туйгуна, өрөспүүбүлүкэтээҕи уонна арассыыйатааҕы куонкурустар лаурета Дьулустаан Никифоров.

Быыстапка-куонкуруска Тиит-Арыы, Чараҥ, Уулаах Аан, Күөрдэм, Нөмүгү, Өктөм, Улахан Аан нэһилиэктэриттэн уонна Покровскай куораттан 15 дьиэ кэргэн кыттыыны ылла.

Быыстапка-куонкурус дьүүллүүр сүбэтигэр үлэлээтилэр:

  • Бэрэссэдээтэл – Неустроева Галина Гаврильевна – искусствовед, музеевед, РФ уонна СӨ культуратын үтүөлээх үлэһитэ, арассыыйатааҕы худуоһунньуктар союзтарын чилиэнэ, Саха Өрөспүүбүлүкэтин Национальнай художественнай музей сүрүн научнай сотруднига;
  • Данилов Александр Дмитриевич – СӨ норуотун маастара;
  •  Тимофеева Наталья Гаврильевна – Хаҥалас улууһун түмэлин сүрүн харайааччыта.

Дьүүллүүр сүбэ үлэтин түмүгүнэн биһирэбил бириистэр туттарыллыннылар:

Туоһу сурук уонна бириис туттарылынна Христоворова Варвара Никитичнаҕа, Өктөм нэһилиэгэ;

Туоһу сурук уонна бириис туттарылынна Иванова Дайаанаҕа, Тиит Арыы нэһилиэгэ;

Анал ааттар уонна бириистэр туттарыллыннылар:

«Баай номохтоох мал» анал аат – Шепелева Викторияҕа, Уулах Аан нэһилиэгэ;

«Кэрэ көстүүлээх мал» анал аат – Свинобоева Майя Егоровнаҕа, Кердем нэһилиэгэ;

«Мындыр оһуордаах мал» анал аат – Степанов Давидка, Покровскай куорат;

«Сэдэх мал»  анал аат – Моисеева Мария Гаврильевнаҕа, Покровскай куорат;

«Түҥ былыргы мал» анал аат – Амбросов Иван Владимировичка,  Покровскай куорат;

«Үйэлээх мал» анал аат – Семенова Галина Дмитриевнаҕа, Покровскай куорат;

«Үчүгэй туруктаах мал» анал аат – Петровтар-Яковлевтар дьиэ кэргэннэригэр, Покровскай куорат;

«Чочуйуллубут мал» анал аат – Крюкова Галина Филипповнаҕа, Тиит Арыы нэһилиэгэ.

Саха Өрөспүүбүлүкэтин Национальнай художественнай түмэлиттэн анал бириистэр туттарылыннылар:

Канаева Екатерина Николаевнаҕа – Чараҥ нэһилиэгин түмэлигэр;

Максимова Прасковья Ионовнаҕа – Улахан Ан нэһилиэгин түмэлигэр.

«Түмэл түһүлгэтэ»  быыстапка-куонкурускыайыылахтарынан буоллулар:

III чыпчаал уонна отпариватель туттарыллынна Максимова Елена Ефимовнаҕа, Тиит Арыы нэһилиэгэ;

II чыпчаал уонна робот-пылесос туттарыллынна Охлопкова Александра Александровнаҕа, Нөмүгү нэһилиэгэ;

Кылаан чыпчаал уонна сүрүн бириис телевизор туттарыллынна Скрябина Екатерина Петровнаҕа, Күөрдэм нэһилиэгэ.

Хаҥалас улууһун кыраайы үөрэтэр түмэл  аатыттан барҕа махталбытын тиэрдэбит кэлэн үлэлэспит Неустроева Галина Гаврильевнаҕа – Саха Өрөспүүбүлүкэтин Национальнай художественнай музей сүрүн научнай сотруднигар, Данилов Александр Дмитриевичка – СӨ норуотун маастарыгар уонна  Дьулустаан Никифоров салайааччылаах «Кыл-Кынат» бөлөх уонна Хаҥалас холбоһуктаах кыл төрүт толорооччуларыгар. Тэрээһин кыттыылаахтарыгар баҕарабыт сайдам санааны, үтүмэн үөрүүнү!