Бүгүн олунньу 13 күнүгэр — төрөөбүт тыл уонна сурук-бичик күнүн чэрчитинэн Г. В. Ксенофонтов аатынан Хаҥаластааҕы кыраайы үөрэтэр түмэл быыстапкатын билиһиннэрии буолла. Манна түмэл биир сэдэх экспоната Барашковтар дьиэ кэргэн сүктэр кыыс толору симэҕэ көрдөрүлүннэ. Тэрээһин үөрүүлээх чааһа төрөөбүт тыл уонна сурук-бичик күнүгэр анаан уһуллубут эҕэрдэ хоһооннору Хаҥалас улууһун культууратын үлэһиттэрэ толорууларынан аһылынна. Онтон салҕыы лингвист С. А. Новгородов туһунан киинэ көрүүтэ буолла. Тэрээһин иккис чааһа П.Н. Харитонов-Ойуку Егор Львович Яковлев суруйан хаалларбыт бэчээккэ тахсыбатах рукопиһын оҥорон таһаартарбыт кинигэтин «С веком наравне» сүрэхтэниитэ буолла.