Бүгүн сэттинньи 14 күнүгэр Хаҥалас улууһун уонна Тиит-Арыы нэһилиэгин Бочуоттааах олохтооҕо, Саха Өрөспүүбүлүкэтин үтүөлээх учуутала, “Бочуот знага” уордьан, “Гражданскай килбиэн”, “Ытык саас” бэлиэлэр, элбэх мэтээл кавалера, салайааччы, коммунист, саха биллииилээх дьиэ кэргэттэрин, Ксенофонтовтар удьуордарын утумнааччы, Хаҥалас патриота, ытыктабыллаах Зоя Ивановна Ксенофонтова 94 сааһын туолла.
Күндү Зоя Ивановна түмэл үлэһиттэрин ааттарыттан баҕарабыт чэгиэн туругу, күн сиригэр баар бары үтүөнү-кэрэни, дьолу-соргуну. Чугас дьонуҥ сылаас сыһыаннара, дьон-сэргэ ытыктабыла эйигин мэлдьи арыаллаатын, күүскэр күүс эптин.