Аргунов Михаил Васильевич
12.03.1980 – 05.12.2023 гг.
Позывной «Аргун»
Биһиги уолбут Аргунов Михаил Васильевич 1980 сыл кулун тутар 12 күнүгэр Орджоникидзевскай оройуонун Тиит-Эбэ нэһилиэгэр төрөөбүтэ. 1987 сыллаахха Өктөм нэһилиэгин Чапаев 4 кылаастаах оскуолатыгар бастакы кылааска үөрэнэ киирбитэ. 1991 сыллаахха Мэҥэ-Хаҥалас Аллараа Бэстээҕэр үөрэнэ барбыта. 1998 сыллааахха оскуола кэнниттэн Мэҥэ-Хаҥалас нефтебазатыгар рабочайынан үлэлии киирбитэ. 2001 сыллаахха Мэҥэ-Хаҥалас ведомственнай охранатыгар сотруднигынан улэҕэ ылыллыбыта. Аллараа Бэстээх нефтебазатыгар уонна маҕаһыыннарыгар үтүө суобастаахтык үлэлии сылдьан Хаптаҕайдааҕы комбикорм заводугар көһөрбүттэрэ. 2014 сыллаахха дойдутугар Ханалас улууһугар Покровскай куоракка араас тутуу үлэтигэр уонна Улахан-Аан крестьянскай хаһаайыстыбатыгар үлэлээбитэ.
2023 сыллаахха алтынньы ый 27 чыыһылатыгар СВО-ҕа тылланан барбыта. Сэтинньи 10 чыыһылатыгар Донской уобалас Дебальцова диэн бөһүөлэккэ штурмовой этэрээт састаабыгар киирэн кыргыһыыга киирбитэ.
2023 сыл ахсынньы ый 5 чыыһылатыгар Донской уобалас Курдюмовка, сэлиэнньэтин таһыгар ыараханнык бааһыран сырдык тыына быстыбыта.
Хорсуннук уонна Ийэ дойдутун бэйэтин харыстаабакка көмүскээбитин иһин Россия президена В.В. Путин укааһынан балаҕан ыйын 26 чыыһылатыгар 2025 сыллаахха Мужество орденынан өлбүтүн кэннэ наҕараадаламмыта.
Ахтыыны суруйдум аҕата Аргунов Василий Павлович.
