«Айар суол” куонкурус тэрийээччилэринэн буолаллар Г. В.Ксенофонтов аатынан Хаҥалас улууһун кыраайы үөрэтэр музей уонна Хаҥалас улууһун кииннэммит библиотечнай ситим. Сүрүн бириистэр спонсордара:
— Ил Түмэн депутата, Семенов Дмитрий Александрович
— Ил Түмэн депутата, Алиш Забидович Мамедов
— Алмазэргиэнбанк Покровскайдааҕы салаата, салайааччы Игорь Иванович Владимиров.
— “Хаҥалас улууһа” муниципальнай оройуон дьаһалтатын культураҕа уонна духуобунаска салаатын муниципальнай тэрилтэтэ, салайааччы Сахая Владимировна Громова.
Бу куонкурус сүрүн сыала — саҥа суруйан холонооччулар Айар суолларын, айылҕаларын арыйыы буолар. Куонкурус ирдэбилинэн бииртэн үскэ диэри ахсааннаах үлэлэрин, хоһоон эбэтэр кэпсээн, дьүүллүүр субэ көрүүтүгэр ыытыллыахтаах этэ. Ол курдук барыта 30-ча айар талааннаахтар араас улуустартан (Мэҥэ-Хаҥаластан, Сунтартан, Горнайтан, Уус-Алдантан, Тааттаттан, Верхоянскайтан уонна Хаҥаластан) хорсун санааларын киллэрэн бэйэлэрин үлэлэрин дьүүллүүр сүбэ көрүүтугэр ыыттылар. Куонкуруска элбэх иһирэх, инникигэ эрэллээх, аҕааччылар болҕомтолорун ылар, санааны долгутар, олус истин иэйиилээх, дирин ис хоһоонноох уус-уран үлэлэр киирдилэр.
Дьүүллүүр сүбэ:
1. Павел Николаевич Харитонов бэйэтэ
2. Арассыыйа уонна Саха сирин суруйаччыларын Сойууьун чилиэнэ, Саха сирин култууратын утуолээх улэһитэ, Былатыан Ойуунускай аатынан государственнай бириэмийэ Лауреата, поэт, прозаик, критик — Николай Егорович Винокуров-Урсун.
3. Былатыан Ойуунускай аатынан литература музейын научнай сотруднига Ефросинья Семеновна Ноговицына.
4. Ханалас улуустаа5ы киин библиотека кыраайы үөрэтэр салаа сүрүн бибилэтиэкэрэ, Саха сирин култууратын туйгуна — Валентина Николаевна Колесова.

Кыайыылаахтар ааттарын ааттыбыт:

Павел Николаевич бэйэтин аатыттан 5 биһирэбил бириистэри автографтаах кинигэлэри уонна спонсорбытыттан, Алмазэргиэнбанк Покровскайдаа5ы салаатыттан алталыы мөһөөктөөх сертификат ДНС маҕаһыынтан.
Попова Августина, Сунтаар улууһа – Триптих «На выставке А. Чикачева”, Руслан Скрябин, Хаҥалас улууһун, 2 Дьөппөн – “Иэйиим тыла”, Гаврильева Зинаида, Дьокуускай – “Эбээ Маайыс дьылҕата” Андреева Мария, Горнай, Маҕарас – “Ой дуораана”, Соломонова Вера, Хаҥалас, Улахан-Аан – “Онньоон ааспыт оҕо сааһым”.

Үс Анал аат кыайыылаахтарыгар өйдөбүнньуктэр, туоһу суруктар уонна Алмазэргиэнбанк Покровскайдаа5ы салаатыттан 4000 солкуобайдаах ДНС маҕаһыыҥҥа сертификаттар туттарыллаллар:
АНАЛ ААТ “ХОМОҔОЙ ХОҺООННЬУТ” Диана Сутакова-Дайаана Куоҕа, Дьокуускай куорат «Уйан санаа», «Сурукка баар турук», «Уран тыл», «Таптал», «Таптаатым», «Өрүс долгунун үҥкүүтэ».
АНАЛ ААТ «КЭРЭ ТЫЛ КЭПСЭЭННЬИТЭ» Александра Жулеваҕа, Дэбдиргэ нэһилиэгэ Татта улууһа «Өлөксөй».
АНАЛ ААТ “УРАН ТЫЛ ОҺУОРДЬУТА” Татьяна Петрова-Мойу кыыһа, Покровскай куорат Хаҥалас улууһа “Остуоруйа үөрэҕэ”

Ил Түмэн депутата Дмитрий Александрович Семенов бэйэтэ туспа «Эдэр эрэллээх суруйааччы» диэн анал аат олохтоон бэйэтин бирииһин 5000 уу харчыннан аныыр ЛИЛИАНА ГОТОВЦЕВАҔА, Уус-Алдан Бороҕоно.

— “Айар суол” үүнэн эрэр хоһоонньуттар уонна кэпсээнньиттэр Улуустааҕы аһаҕас айар куонкурустарын кыайыылааҕын аатын уонна спонсорбыт, Ил Түмэн депутатын Алиш Забидович Мамедовтан кинигэ таһааттарарыгар 30 тыһыынча солкуобайдаах сертификат туттарыллар НАТАЛЬЯ РЯЗАНСКАЯҔА, Амма улууһа.

Бары кыттааччыларбытыгар сыралаах үлэлэригэр ситиһиини, урдуккэ дьулуһууну баҕаран туран, тэрийээччилэр ааттарыттан бүгүҥҥү тэрээһиҥҥэ кыттыспыт көрөөччүлэрбитигэр барҕа махталбытын тиэрдэбит. Сырдык ырыа-хоһоон ыллыктанан истин, айар талааҥҥыт өссө тахсан истин!