Олоҕун олуктара:

1905 сыллаахха тохсунньу 6 күнүгэр Хаҥалас улууһун Булгунньахтаах нэһилиэгэр төрөөбүт.1922 с. — уон сэттэ саастааҕар кыһыллар өттүлэригэр сэриилэспит, бойобуой сорудаҕы ситиһиилээхтик толорон винчестерынан наҕараадаламмыт.1923 с. — Дьокуускайдааҕы педтехникум устудьуона буолар.1920-с сыллар саҥаларыгар ыччат «Сайдыы» диэн ааттаах литературнай куруһуогун чилиэнэ. Бу сылларга «Сон рабочего» пьесаны суруйар, онтуката «Саха омук» уопсастыба кулуубугар турар.1925 с. — Эллэйдиин, Н. Н. Павловтыынлитературнай-общественнай куруһуок тэрийэллэр. Бу куруһуогу П. А. Ойуунускай, А. Ф. Бояров, А. А. Күндэ салайаллар.1927 с. — бастакы пьесата «Эстибит эргэ, сандаарбыт саҥа», бэчээттэнэн, күн сирин көрбүтэ.1929 с. — Иркутскай рабфагын бүтэрэр уонна дойдутугар кэлэн Чурапчыга ааҕар балаҕан сэбиэдиссэйинэн, оройуоннааҕы үөрэх салаатын сэбиэдиссэйинэн улэлиир.1934 с. — «Ини-бии» драманы суруйар.Чурапчыга түөрт сыл үөрэҕирии салаатын сэбиэдиссэйинэн, сэттэ сыл Намҥа оскуола дириэктэринэн, үөрэх министиэристибэтигэр инспекторынан үлэлиир.Сэрии сылларыгар уонна ол кэннэ Музыкальнай драматическай театр дириэктэринэн үлэлиир.1948 сылтан өлүөр дылы Орджоникидзевскай оройуоҥҥа учууталлыыр.1956 с. — ССКП чилиэнэ.1983 сыллаахха кулун тутар 24 күнүгэр олохтон туораабыта.

С. П. Ефремов 20-н тахса пьесаны суруйбута. Айымньылара республика араас театрдарыгар оонньоммуттара.
Сыралаах үлэтэ мэтээллэринэн уонна Ытыктабыл грамоталарынан бэлиэтэммитэ. Кини аатынан Покровскай куорат биир улахан уулуссата ааттанар.